GURE HELBURUA:
Gure helburua haur eta gazteekin berdintasuna eta aniztasuna lantzea da, modu praktikoan, hau beren errealitateetara hurbilduz. Gai hauekiko interesa piztu nahi dugu, pentsamendu kritikoa sustatu, hausnartu, partekatu eta ikasteko espazioak sortuz. Pixkanaka, jendartean ematen diren desberdintasunak erreproduzitu ez daitezen eta pixkanaka denentzako espazio seguruak sortu daitezen.
Berdintasunaz hitz egitea aspergarria edo inposatua den ideiarekin ere hautsi nahi dugu. Ikastea dinamikoa, dibertigarria eta parte-hartzailea izan daiteke, eta horrela bizitzen denean, askoz errazagoa da interesa eta kontzientzia sortzea, lantzen diren ideiak hobeto barneratuz.
Horregatik, hainbat tailer eta ekintza bitartez haurrak pentsatzera eta gogoeta egitera bultzatzen ditugu, aldi berean, disfrutatzeko eta ondo pasatzeko espazioak sortuz.
METODOLOGIA: Jokoa
Gauzatzen ditugun tailer eta jarduera guztiak jokoa irakaskuntza tresna gixa ulertzen duen metodologian oinarriturik daude. Baina zergatik irakatsi jolasaren bitartez?
Honek dituen ezaugarri positiboetan sinisten dugu. Haur eta gazteek, jardueretan aktiboki parte-hartzea sustatzen du. Parte-hartzaileek jardueretan erronka ezberdinak gainditu beharko dituzte, egiten ari direnean, guztiz inplikatu eta horren garrantzitsu diren gaiez ikastearekin batera, euren interesa piztu, eta ikaskuntza entretenigarri eta dibertigarriagoa bihurtuz.
ZERBITZUAK
TAILERRAK
Jolasa eta hausnarketa uztartzen dituzten tailer praktikoak, estereotipoak, rolak, boterea edo maskulinitateak ulertu eta lantzeko.
IHES-GELAK
Parte-hartzea eta pentsamendu kritikoa sustatzen dituzten asmakizun eta dinamika kooperatiboen bidez genero-gaiak lantzeko diseinatutako ihes-gelak.
ESPERIENTZIA:
